Skip to main content

Pagtutol sa Waste-to-Energy Incineration

 Resolusyon Blg. 13: Pagtutol sa Waste-to-Energy Incineration

Yayamang:

Labis na nakakabahala ang panukala sa Mababang Kapulungan ng Kongreso na amyendahan ang Republic Act 8749, o ang Clean Air Act, upang ipawalang bisa ang nilalaman nitong pagbabawal sa pagsusunog ng basura (waste incineration ban), na ipinagbabawal rin sa Republic Act 9003, o ang Ecological Solid Waste Management Act;

Ang pagbabawal sa pagsusunog ng basura ay nakatatag sa loob ng dalawang batas republika (R.A. 8749 at R.A. 9003) upang protektahan at pangalagaan ang kalusugan ng mamamayang Pilipino at ng ating kalikasan, alinsunod sa isinasaad sa ating Konstitusyon na “dapat pangalagaan at isulong ng Estado ang karapatan ng sambayanan sa timbang at kanais-nais na ekolohiya na naaayon sa aluy-oy at tugma ng kalikasan.”

Ang pagsusunog ng basura ay banta sa kalusugan ng tao at ng kalikasan dahil sa nililikha nitong mga lasong kemikal tulad ng dioxins at furans at iba pang persistent organic pollutants (POPs); lead, mercury at iba pang heavy metals; carbon dioxide, nitrous oxide at iba pang greenhouse gases;  particulate matter; at mga iba pang lason na higit pang nalilikha mula sa pagsunog ng plastik at mga mapanganib na basura;

Ang pagsusunog ng basura ay banta mismo sa kalusugan ng mga manggagawa sa mga pasilidad na sunugan ng basura at sa mga komunidad sa paligid nito;

Ang industriya ng pagsusunog ng basura (waste incineration industry) ay kumukumpetensya sa industriya ng pagreresiklo (recycling industry) na nagbibigay ng maraming trabaho; at higit pa, inaagaw ng industriyang pagsusunog ang mga kabuhayan ng mahihirap na indibidwal at pamilya na kabilang sa informal waste sector (IWS);

Ang mga sunugan ng basura (waste incinerator) ay ginagawang walang-pakinabang at mapanganib na usok at abo ang mga mahahalagang panapon tulad ng papel, karton, plastik, bakal at iba pa, na dapat sana ay ibinabalik sa pabrika at merkado para magamit at mapakinabangan muli;

Ang mga usok na binubuga ng mga sunugan ng basura, kabilang na ang mga tinatawag na “waste-to-energy” incinerator, ay nagpapalala sa climate change o pagbabago ng klima na nagdudulot ng sakuna at pahirap sa mga komunidad; at sapagkat inaagaw ng mga pasilidad na ito ang salapi na dapat ipamuhunan sa mga tunay na solution sa climate change gaya ng renewable energy at zero waste;

Hindi solusyon ang pagsusunog ng basura sa problema ng ating bansa sa basura, polusyon, trabaho at klima;

Kung gayon, pinagpasyahan ng kongreso ng BMP, alinsunod sa adhikain nito na maitaguyod ang kalusugan at kagalingan ng mamamayan at kalikasan, ang mahigpit at aktibong pagtutol sa pagtatanggal ng incineration ban sa Clean Air Act at ang pagpasok ng mga teknolohiyang nagsusunog ng basura.

Comments

Post a Comment

Popular posts from this blog

Pag-oorganisa sa mga anak ng mga kasapi ng BMP

  Resolusyon Blg. 27:  Pag-oorganisa sa mga anak ng mga kasapi ng BMP Yayamang: Ang SPARK – Samahan ng Progresibong Kabataan – ay pormal na kinilala ng ika-8 kongreso ng BMP – bilang kasaping-organisasyon ng Bukluran; Lubos na kinakailangan hindi lamang ng BMP kundi ng buong kilusang paggawa sa bansa – ang enerhiya’t dinamismo, sa katawan at sa pag-iisip, ng mga rebolusyonaryong intelektwal; Saksi ang kasaysayan sa naging ambag ng sektor ng kabataan – partikular na kilusang estudyante – sa pagpapalakas, pagpapatibay at paglawak ng kilusang masa – bilang balon ng mga manunulat, edukador, organisador, kampanyador ng pagbabagong panlipunan;   Ang mundo ng paggawa, na punong-puno ng praktikal na karanasan, ang siyang magpapanday at huhubog sa mga intelektwal para maging tapat, masipag at mapagkumbabang lingkod ng uri at bayan; Habang hindi nagagapi ang kapitalistang sistema, ang tanging maipamamana ng masang manggagawa sa kanilang mga anak ay ang tanikala ng sahurang pag...
Post a Comment
Read more

Pagpapalaganap ng mga Kaisahan ng ika-8 na Regular na Kongreso

  Resolusyon Blg. 22:  Pagpapalaganap ng mga Kaisahan ng ika-8 na Regular na Kongreso Yayamang: Ang kongreso ng BMP ay ang pinakamataas na kapasyahan ng ating Bukluran, ito ang daluyan para sa “malayang diskusyon” para sa nagkakaisang pagkilos ng ating organisasyon; Ang deliberasyon nito ay dapat na maipalaganap sa lider at kasapian, upang tiyakin na tayo ay nagkakaisa sa salita at sa gawa, sa direksyong itinakda ng Kongreso na pangunahan ng manggagawa ang laban sa pasista, maka-kapitalista at maka-imperyalistang rehimeng Duterte – at sa organisasyunal na tungkuling paganahin na ang gawaing buklod para pagkonsolidahin ang BMP; May pangangailangang basagin ang ilusyong maka-mahirap ang kasalukuyang rehimen – laluna sa hanay ng manggagawa na patuloy na nabubulid sa kasinungalingang patuloy na nilulubid ng gobyernong Duterte;   Kung gayon, pinagkakaisahan ng BMP Congress na ilathala at ipalaganap ang mga dokumento ng Kongreso – ang mga pag-aaral sa pang-ekonomiko at pam...
Post a Comment
Read more

Hinggil sa Pagkakaisa ng Paggawa

  Resolusyon Blg. 21:  Hinggil sa Pagkakaisa ng Paggawa Yayamang: Pandaigdigang panawagan ng kilusang paggawa ang islogang “manggagawa magkaisa”. Ang paglaya ng manggagawa mula sa kahirapan at pagsasamantala ng tao sa tao ay nasa kanyang kamay – sa kanyang pagkakaisa, pagkamulat at pagkakaorganisa “bilang uri”. Malayo pa sa ganitong pagkamulat at pagkakaorganisa ang masang manggagawa, sila ay mas organisado “bilang empleyado” sa mga unyon at pederasyon; “bilang sektor” bilang bahagi ng formal at informal labor sector o sa klase na trabaho – sa sektor ng transportasyon, edukasyon, atbp; at “bilang lahi” kaisa ng mamamayang Pilipino sa pagtutol sa pandarambong ng mga imperyalistang dayuhan. Ang ganitong mga antas ng pagkakaisa’t pagkakaorganisa, bagamat hindi pa “bilang uri”, ay sinusuportahan ng BMP dahil nagiging daluyan ito ng kongkretong karanasan sa pang-ekonomya’t pampulitikang pakikibaka – kahit ang pinakaelementaryang antas ng pag-uunyon na pinangangalandakan ng mga neol...
Post a Comment
Read more