Skip to main content

Pamumuno ng Manggagawa sa Anti-Pasista at Anti-Imperyalistang Laban ng Mamamayan

Resolusyon Blg. 1: Pamumuno ng Manggagawa sa Anti-Pasista at Anti-Imperyalistang Laban ng Mamamayan

Yayamang:

Ang rehimeng Duterte ay mabilis na tumutungo sa pasista at awtokratikong pamumuno hindi lamang sa tumitinding paglabag sa mga karapatang pantao at kalayaang sibil, kundi sa pagbabanta ng Martial Law sa buong bansa;

Ang rehimen ay nagsusulong ng pagbabago ng saligang batas para sa (a) pagbubuwag ng mga probisyong nagbibigay proteksyon sa lokal na ekonomya mula sa dayuhang pandarambong, na magsisilbi sa interes ng mga multinasyunal na korporasyong monopolyo at sa (b) pagtatayo ng pederal na anyo ng gobyerno, na sinusuportahan ng mga burukratang dinastiya – kalakhan ay mga warlord – na siyang pinakareaksyonaryo, pinakamalupit at pinakamasahol na seksyon ng mga naghaharing uri sa bansa;

Ang pagtutol sa Chacha ng mga imperyalista at mga pasista ay lilimitahan ng petiburges (o “panggitnang-uri”) sa kalunsuran sa panawagang “Defend the Constitution” at “Defend Democracy”. May ilan sa kanila ang nagagamit ng partido Liberal sa paghahangad ng pagbibitiw ni Duterte upang humalili si VP Robredo bilang “constitutional successor”;

Lagpas dito ang interes ng manggagawa, ang mga pagbabagong ninanais ng manggagawa sa kanilang pang araw-araw na buhay, na nangangahulugan ng pagbabago sa mga batas – kasama ang konstitusyon – upang ang karapatang mabuhay ng nakararami ay ipauna sa kaparatan sa pag-aari (property rights) ng iilan; at,

Prinsipyo ng BMP ang pagtindig ng manggagawa bilang lider ng bayan (Artikulo 2, BMP Constitution) upang maging konsistent, determinado at tuloy-tuloy ang pakikibaka ng mamamayan para sa tunay na demokrasya at kalayaan.

 Dahil dito, ipinagtitibay ng ika-8 Regular na Kongreso ng BMP na ang direksyon ng BMP sa tatlong taon (2018 to 2020) ay pamunuan ng kilusang paggawa ang anti-pasista at anti-imperyalistang laban ng mamamayan. 

Comments

Post a Comment

Popular posts from this blog

Kalagayang Pampulitika

1.  Ang naghaharing estado ay isang burges na estadong kontrolado ng malaking burgesya at naghahari sa burges na paraan. Burges ang paraan ng pangangasiwa ng estado sapagkat ang umiiral ay isang republika. May umiiral na saligang batas, na naglalaman sa mga karapatang sibil at kalayaang pampulitika – kasama ang karapatan sa pagboto, sa due process, sa kalayaan sa pagtitipon at sa pamamahayag, . Ang mga namumuno ay hindi itinakda ng tadhana o ng itaas para habambuhay na mamuno sa bansa. Di tulad ng ng monarkiya ng lipunang pyudal na may isang pamilya na may “divine right” na maghari sa isang emperyo. Ngunit ito ay nasa panlabas sa kaanyuhan lamang. Gaya ng lipunang pyudal, ang konsentrasyon ng kapangyarihan sa lipunang kapital ay nasa dalawang institusyon lamang – nasa pangulo (bilang commander-in-chief) at nasa mga institusyon ng koersyon – ang pulis at militar, gaya ng hari at kanyang mga kabalyero. Ang mga karapatang pantao ay ilusyon lamang. Dahil ang totoo, ang umiiral – kung a...
Post a Comment
Read more

Hinggil sa Pagkakaisa ng Paggawa

  Resolusyon Blg. 21:  Hinggil sa Pagkakaisa ng Paggawa Yayamang: Pandaigdigang panawagan ng kilusang paggawa ang islogang “manggagawa magkaisa”. Ang paglaya ng manggagawa mula sa kahirapan at pagsasamantala ng tao sa tao ay nasa kanyang kamay – sa kanyang pagkakaisa, pagkamulat at pagkakaorganisa “bilang uri”. Malayo pa sa ganitong pagkamulat at pagkakaorganisa ang masang manggagawa, sila ay mas organisado “bilang empleyado” sa mga unyon at pederasyon; “bilang sektor” bilang bahagi ng formal at informal labor sector o sa klase na trabaho – sa sektor ng transportasyon, edukasyon, atbp; at “bilang lahi” kaisa ng mamamayang Pilipino sa pagtutol sa pandarambong ng mga imperyalistang dayuhan. Ang ganitong mga antas ng pagkakaisa’t pagkakaorganisa, bagamat hindi pa “bilang uri”, ay sinusuportahan ng BMP dahil nagiging daluyan ito ng kongkretong karanasan sa pang-ekonomya’t pampulitikang pakikibaka – kahit ang pinakaelementaryang antas ng pag-uunyon na pinangangalandakan ng mga neol...
Post a Comment
Read more

Mga Kaisahan ng BMP 2018 Congress

Nakalista sa ibaba ang mga kaisahan ng ika-walong regular na Kongreso ng Bukluran ng Manggagawang Pilipino, Enero 2018. Ito ay mga tesis ukol sa umiiral na kalagayan (pang-ekonomya, pampulitika, pang-organisasyon), mga resolusyon, pag-amyenda sa saligang batas ng Bukluran, at ang mga pangalan ng bagong halal na pamunuan. Mga Tesis : Kalagayang Pang-ekonomya Kalagayang Pampulitika Kalagayan ng BMP Mga Resolusyon : 1: Pamumuno ng Manggagawa sa Anti-Pasista at Anti-Imperyalistang Laban ng Mamamayan 2: Gawaing buklod bilang saligang sangkap sa pagpapalakas ng BMP 3: Pagpapatuloy ng Kampanyang Anti-Kontraktwalisasyon 4: Kampanya para sa Pabahay (Affordable Mass Housing) at Panlipunang Serbisyo 5: Kampanyang Living Wage at Progresibong Pagbubuwis 6: Full mobilization sa SONA 7: All-Out Propaganda Offensive laban sa rehimeng Duterte at sa kapitalismo 8: Pag-oorganisa sa manggagawa sa serbisyo’t agrikultura 9: Pag-oorganisa sa migranteng manggagawa at kanilang mga pamilya 10: Nakasasapat-sa-sa...
Post a Comment
Read more