Skip to main content

Paglaban sa Neoliberal na Adyenda ng Rehimeng Duterte

 Resolusyon Blg. 18: Paglaban sa Neoliberal na Adyenda ng Rehimeng Duterte

Yayamang:

Patuloy na inilalantad ng rehimeng Duterte ang kanyang sarili, sa halos araw-araw sa harap ng masang Pilipino bilang isang ganap na reaksyonaryong burges na gobyerno, na kontra-manggagawa, maka-kapitalista, maka-imperyalista, pasista at kontra-mahirap;

Nabuyangyang ang tunay na kontra-manggagawang karakter ng rehimen sa patuloy na pagbibinbin ng Executive Order para sa prohibisyon ng lahat ng anyo ng kontraktwalisasyon; katunayan, lalupa nitong pinatindi ang naturang salot sa pamamagitan ng Department Order 174 ng DOLE;

Pinupwersa ng rehimen ang taumbayan na tiisin ang mga mapapait na patakarang neoliberal sa larangang pampulitika at pang-ekonomya, sa pamamagitang ng sumusunod na patakaran – ang Philippine Development Plan 2017 hanggang 2022 (kung saan, kasama ang planong “build, build, build”, ang kontra-mahirap na Tax Reform for Acceleration and Inclusion (TRAIN) at ang Charter Change (Chacha) na tutungo sa isang pederal na estadong mas mahigpit ang kontrol ng mga trapo, mga dinastiya, at mga warlord;

Ang neoliberal na adyendang pang-ekonomya at pampulitika ay isang opensiba laban sa mahihirap, sa pamamagitan ng mga patakarang “kill, kill, kill” at “war, war, war”, na tutugis sa mga pinaghihinalaang mahihirap na adik at pusher ng iligal na droga, mga terorista’t komunista, at sinumang tumututol sa mga patakaran ng rehimen.

Lulubha pa ang atrasado’t bansot ng kapitalistang sistema sa bansa, na magpapatindi sa kahirapan ng masang Pilipino sa susunod na taon sa ilalim ng rehimeng Duterte, dahil sa tinatahak nitong pampulitika’t pang-ekonomikong adyenda, at lalo pang titindi dahil sa mga maneobra nitong baguhin ang saligang batas, na maaring magpahaba pa ng termino nito sa poder, lagpas sa taong 2022.

Kung gayon, ang BMP bilang isang rebolusyonaryong sosyalistang pampulitikang sentro ay naninindigan na:

(1) ipagtanggol ang interes ng manggagawang Pilipino mula sa lahat ng kontra-manggagawang atake ng burges na estado, at

(2) tutulan at labanan ang neoliberal na opensiba ng rehimeng Duterte, na kumakatawan sa interes ng mga imperyalista at mga burukratang komersyante’t kapitalista sa kanayunan, na pinakareaksyonaryong seksyon ng lokal na naghaharing uri.

Comments

Post a Comment

Popular posts from this blog

Kalagayang Pampulitika

1.  Ang naghaharing estado ay isang burges na estadong kontrolado ng malaking burgesya at naghahari sa burges na paraan. Burges ang paraan ng pangangasiwa ng estado sapagkat ang umiiral ay isang republika. May umiiral na saligang batas, na naglalaman sa mga karapatang sibil at kalayaang pampulitika – kasama ang karapatan sa pagboto, sa due process, sa kalayaan sa pagtitipon at sa pamamahayag, . Ang mga namumuno ay hindi itinakda ng tadhana o ng itaas para habambuhay na mamuno sa bansa. Di tulad ng ng monarkiya ng lipunang pyudal na may isang pamilya na may “divine right” na maghari sa isang emperyo. Ngunit ito ay nasa panlabas sa kaanyuhan lamang. Gaya ng lipunang pyudal, ang konsentrasyon ng kapangyarihan sa lipunang kapital ay nasa dalawang institusyon lamang – nasa pangulo (bilang commander-in-chief) at nasa mga institusyon ng koersyon – ang pulis at militar, gaya ng hari at kanyang mga kabalyero. Ang mga karapatang pantao ay ilusyon lamang. Dahil ang totoo, ang umiiral – kung a...
Post a Comment
Read more

Hinggil sa Pagkakaisa ng Paggawa

  Resolusyon Blg. 21:  Hinggil sa Pagkakaisa ng Paggawa Yayamang: Pandaigdigang panawagan ng kilusang paggawa ang islogang “manggagawa magkaisa”. Ang paglaya ng manggagawa mula sa kahirapan at pagsasamantala ng tao sa tao ay nasa kanyang kamay – sa kanyang pagkakaisa, pagkamulat at pagkakaorganisa “bilang uri”. Malayo pa sa ganitong pagkamulat at pagkakaorganisa ang masang manggagawa, sila ay mas organisado “bilang empleyado” sa mga unyon at pederasyon; “bilang sektor” bilang bahagi ng formal at informal labor sector o sa klase na trabaho – sa sektor ng transportasyon, edukasyon, atbp; at “bilang lahi” kaisa ng mamamayang Pilipino sa pagtutol sa pandarambong ng mga imperyalistang dayuhan. Ang ganitong mga antas ng pagkakaisa’t pagkakaorganisa, bagamat hindi pa “bilang uri”, ay sinusuportahan ng BMP dahil nagiging daluyan ito ng kongkretong karanasan sa pang-ekonomya’t pampulitikang pakikibaka – kahit ang pinakaelementaryang antas ng pag-uunyon na pinangangalandakan ng mga neol...
Post a Comment
Read more

Mga Kaisahan ng BMP 2018 Congress

Nakalista sa ibaba ang mga kaisahan ng ika-walong regular na Kongreso ng Bukluran ng Manggagawang Pilipino, Enero 2018. Ito ay mga tesis ukol sa umiiral na kalagayan (pang-ekonomya, pampulitika, pang-organisasyon), mga resolusyon, pag-amyenda sa saligang batas ng Bukluran, at ang mga pangalan ng bagong halal na pamunuan. Mga Tesis : Kalagayang Pang-ekonomya Kalagayang Pampulitika Kalagayan ng BMP Mga Resolusyon : 1: Pamumuno ng Manggagawa sa Anti-Pasista at Anti-Imperyalistang Laban ng Mamamayan 2: Gawaing buklod bilang saligang sangkap sa pagpapalakas ng BMP 3: Pagpapatuloy ng Kampanyang Anti-Kontraktwalisasyon 4: Kampanya para sa Pabahay (Affordable Mass Housing) at Panlipunang Serbisyo 5: Kampanyang Living Wage at Progresibong Pagbubuwis 6: Full mobilization sa SONA 7: All-Out Propaganda Offensive laban sa rehimeng Duterte at sa kapitalismo 8: Pag-oorganisa sa manggagawa sa serbisyo’t agrikultura 9: Pag-oorganisa sa migranteng manggagawa at kanilang mga pamilya 10: Nakasasapat-sa-sa...
Post a Comment
Read more