Skip to main content

Mas Maunlad na mga Porma ng Makauring Pagkakaorganisa (Workers’ Council at Workers’ Assemblies)

Resolusyon Blg. 29: Mas Maunlad na mga Porma ng Makauring Pagkakaorganisa (Workers’ Council at Workers’ Assemblies)

Yayamang:

Ang ultimong hangarin ng BMP – sa usapin ng makauring pagkakaorganisa – ay ang pagtatayo ng “gobyerno ng manggagawa”, na pinakamataas na antas ng pagkakaorganisa ng manggagawa “bilang naghaharing uri”, ito ang tunay na demokrasya kung saan ang kapasyahan ng mayorya ang siyang naghahari, sapagkat ang milyon-milyong mamamayan ay organisado para maging bahagi sa pagtatakda at pagpapatupad ng mga batas;

Ang ganap na pananagumpay ng gobyerno ng manggagawa – sa pagbabagsak ng kapitalistang estado – ay hindi naitatakda ng suhetibo o pansariling kagustuhan kundi binubunga ng obhetibong kalagayan – ang pagputok ng krisis panlipunan at ang makauring kamalayan at pagkakaorganisa ng uring manggagawa;

Subalit ang pagpupunla ng gobyerno ng manggagawa ay nagsisimula ngayon pa lang, sa sosyalistang pagmumulat at pag-oorganisa sa manggagawa “bilang uri”;

Mas malawakang magagawa ito kung matutuklas ang malalapad na organisasyon ng masang manggagawa na may batayang pulitikal, hindi lamang sa pagtatanggol ng mga pang-ekonomikong interes gaya ng umiiral na mababang antas ng pagkakaorganisa “bilang empleyado” sa mga unyon at pederasyon o “bilang sektor” ng maralita o batay sa klase ng trabaho sa edukasyon, transport, atbp.

Sa kasaysayan, nag-anyo ang ganitong pagkakaorganisa sa mga konseho at asembliya ng mga manggagawa, na una’y nagsimula sa pakikipagdamayan hanggang sa sumibol sa pagsasanay sa pagugubyerno bago nakamit ang kapasidad at oportunidad na ibagsak ang kapitalistang estado at maitayo ang sariling gobyerno;

Nagbubukas ng oportunidad para sa ganitong klase ng pagkakaorganisa sa pagtatangka ng rehimeng Duterte na baguhin ang saligang batas, dahil ang lundo nito ay isang plebisito ng buong mamamayan; isa itong minsanang pagkakataon para sa malawakang pagmumulat ng masa nang deretsahan sa mga usaping pulitikal;

Kung gayon, nagpasya ang ika-8 kongreso ng BMP na tuklasin ng komite sentral ang iba’t ibang mga anyo ng pampulitikang pag-oorganisa na aangkop para sa malawakang pampulitikang pagsasanay ng uring manggagawa.

Comments

Post a Comment

Popular posts from this blog

Kalagayang Pampulitika

1.  Ang naghaharing estado ay isang burges na estadong kontrolado ng malaking burgesya at naghahari sa burges na paraan. Burges ang paraan ng pangangasiwa ng estado sapagkat ang umiiral ay isang republika. May umiiral na saligang batas, na naglalaman sa mga karapatang sibil at kalayaang pampulitika – kasama ang karapatan sa pagboto, sa due process, sa kalayaan sa pagtitipon at sa pamamahayag, . Ang mga namumuno ay hindi itinakda ng tadhana o ng itaas para habambuhay na mamuno sa bansa. Di tulad ng ng monarkiya ng lipunang pyudal na may isang pamilya na may “divine right” na maghari sa isang emperyo. Ngunit ito ay nasa panlabas sa kaanyuhan lamang. Gaya ng lipunang pyudal, ang konsentrasyon ng kapangyarihan sa lipunang kapital ay nasa dalawang institusyon lamang – nasa pangulo (bilang commander-in-chief) at nasa mga institusyon ng koersyon – ang pulis at militar, gaya ng hari at kanyang mga kabalyero. Ang mga karapatang pantao ay ilusyon lamang. Dahil ang totoo, ang umiiral – kung a...
Post a Comment
Read more

Kampanya para sa Pabahay (Affordable Mass Housing) at Panlipunang Serbisyo

  Resolusyon Blg. 4:  Kampanya para sa Pabahay (Affordable Mass Housing)  at Panlipunang Serbisyo Yayamang: Karapatan ng mamamayan ang abot-kaya at ligtas na pabahay, ayon sa 1987 Constitution; Ang enabling law ay ang Urban Development Housing Act (UDHA), na ang balangkas ay ang pagwawalis ng mga maralitang lungsod sa mga liblib na eryang sub-urban, tungo sa mga eryang  relokasyon – na sa karanasan ay hindi ikinunsidera ang mga pangangailangan ng mga nilipat na maralita para sa empleyo, edukasyon, kalusugan, transportasyon, komersyo, atbp.; Ang proyektong “build, build, build” ni Duterte ay magtataas sa presyo ng lupa sa mga syudad at kalapit probinsya, na magtutulak sa mga pribadong nagmamay-ari ng lupa na pwersahang alisin ang mga maralita sa kanilang mga pag-aari; ito rin ang magtutulak sa gobyerno – nasyunal at local government unit – na ibenta ang mga public land  para sa mga real estate developer gaya ng SMDC ni Henry Sy, Robinsons Land ni Gokongwei, Ayala...
Post a Comment
Read more

Pagtutol sa Rekognisyon ng Estados Unidos sa Herusalem bilang Kapitolyo ng Zionistang Estado ng Israel

  Resolusyon Blg. 20:  Pagtutol sa Rekognisyon ng Estados Unidos sa Herusalem  bilang Kapitolyo ng Zionistang Estado ng Israel Ang State of Israel ay nilikha ng mga imperyalista at pwersahang itinakda sa loob ng teritoryo ng bansang Palestine noong Mayo 1948 at sa tuloy-tuloy na madugong gyera ng atrisyon na tuluyang nagpaalis sa mamamayang Palestino; Ang mga mamamayang Palestino ay nananatiling isa sa pinakaaping bansa sa buong mundo, nagdarahop at itinuring na segunda-klaseng mamamayan na mga karatig na bansa; Patuloy ang paglulunsad ng pambansang pakikibaka ng mga Palestino upang makabalik sa kanilang mga lupain, kasama ang Herusalem; Mayorya ng populasyon ng daigdig – kabilang ang maraming mga gubyerno – ang kumikilala at sumusuporta sa interes ng mga Palestino, na may pitong dekada nang nakikibaka para ipagtanggol ang interes ng kanilang bansa; Sa kasaysayan ng kilusang paggawa, ito ay nakikiisa sa lahat ng pakikibaka ng mga inaaping bansa, laluna ang bansang Palesti...
Post a Comment
Read more