Skip to main content

All-Out Propaganda Offensive laban sa rehimeng Duterte at sa kapitalismo

 Resolusyon Blg. 7: All-Out Propaganda Offensive laban sa rehimeng Duterte at sa kapitalismo

Yayamang:

Ang labanang propaganda ay pakikibaka sa kamulatan ng taumbayan. Sa anumang kilusang naghahangad ng paglaya ng manggagawa, narito ang unang larangan dahil hindi lamang ang katawan ng manggagawa ang pinagsasamantalahan kundi ang kanyang isipan;

Nilalason ang isipan ng mga manggagawa sa mga “fake news” ng mga sumusuporta kay Rodrigo Duterte, na itinatago ang katotohanan na siya ang hindi lamang kinatawan ng mga kapitalista kundi ng mga burukratang komersyante at panginoong maylupa sa kanayunan, na siyang pinakamalupit at pinakareaksyonaryong seksyon ng naghaharing uri sa bansa;

Ipinapaniwala din ang taumbayan na ang Cha-cha at pederalismo ay para sa kanila, gayong babaguhin ang konstitusyon para baklasin ang mga proteksyon ng lokal na ekonomya mula sa pandarambong ng mga dayuhang multinasyunal na korporasyon at upang palakasin ang kontrol ng mga dinastiya’t warlord ang kani-kanilang teritoryo sa pederal na anyo ng paggugubyerno;

Kasabay nito, hindi namamalayan ng manggagawa’t mamamayan na ang kanilang pagdarahop ay nakaugat sa atrasadong kapitalismo at sa bulok na klase ng elitistang demokrasya na umiiral sa bansa;

Sa ultimo, hindi mulat ang manggagawa na ang ugat ng kahirapan at pagsamantala ng tao sa tao ay ang pribadong pag-aari sa mga kagamitan sa produksyon; at sa kanyang misyon sa kasaysayan – ang pawiin ang pribadong pag-aari sa pamamagitan ng pagtatatag ng gobyerno ng masang anakpawis; at,

Makakamit ng manggagawa ang ganitong kamalayan – ang sosyalistang kamalayan – sa pamamagitan ng tuloy-tuloy na edukasyon kasabay ng paglahok sa mga pakikibakang masa, ito ang dahilan ng mga artikulo ukol sa Workers School at Tambuli sa konstitusyon ng Bukluran.

Dahil dito, pinapasyahan ng ika-8 kongreso ng BMP na:

1. Muling pagaganahin ang mga proyektong Tambuli (bulletin ng BMP) at Workers School para sa all-out propaganda offensive sa manggagawa sa anyo ng mga propaganda at edukasyon, para sa komprehensibong pampulitikang treyning sa naturang mga gawain;  

Obligahin ang lahat ng kasapi na ibahagi ang mga materyales ng ating facebook page (http://facebook.com/manggagawangpilipino)

Simulan ang pag-oorganisa ng mga propesor at guro para sa popularisasyon ng sosyalistang alternatiba at sa kagyat na mga isyu’t kahilingan na sinusulong ng BMP.

Comments

Post a Comment

Popular posts from this blog

Kalagayang Pampulitika

1.  Ang naghaharing estado ay isang burges na estadong kontrolado ng malaking burgesya at naghahari sa burges na paraan. Burges ang paraan ng pangangasiwa ng estado sapagkat ang umiiral ay isang republika. May umiiral na saligang batas, na naglalaman sa mga karapatang sibil at kalayaang pampulitika – kasama ang karapatan sa pagboto, sa due process, sa kalayaan sa pagtitipon at sa pamamahayag, . Ang mga namumuno ay hindi itinakda ng tadhana o ng itaas para habambuhay na mamuno sa bansa. Di tulad ng ng monarkiya ng lipunang pyudal na may isang pamilya na may “divine right” na maghari sa isang emperyo. Ngunit ito ay nasa panlabas sa kaanyuhan lamang. Gaya ng lipunang pyudal, ang konsentrasyon ng kapangyarihan sa lipunang kapital ay nasa dalawang institusyon lamang – nasa pangulo (bilang commander-in-chief) at nasa mga institusyon ng koersyon – ang pulis at militar, gaya ng hari at kanyang mga kabalyero. Ang mga karapatang pantao ay ilusyon lamang. Dahil ang totoo, ang umiiral – kung a...
Post a Comment
Read more

Kampanya para sa Pabahay (Affordable Mass Housing) at Panlipunang Serbisyo

  Resolusyon Blg. 4:  Kampanya para sa Pabahay (Affordable Mass Housing)  at Panlipunang Serbisyo Yayamang: Karapatan ng mamamayan ang abot-kaya at ligtas na pabahay, ayon sa 1987 Constitution; Ang enabling law ay ang Urban Development Housing Act (UDHA), na ang balangkas ay ang pagwawalis ng mga maralitang lungsod sa mga liblib na eryang sub-urban, tungo sa mga eryang  relokasyon – na sa karanasan ay hindi ikinunsidera ang mga pangangailangan ng mga nilipat na maralita para sa empleyo, edukasyon, kalusugan, transportasyon, komersyo, atbp.; Ang proyektong “build, build, build” ni Duterte ay magtataas sa presyo ng lupa sa mga syudad at kalapit probinsya, na magtutulak sa mga pribadong nagmamay-ari ng lupa na pwersahang alisin ang mga maralita sa kanilang mga pag-aari; ito rin ang magtutulak sa gobyerno – nasyunal at local government unit – na ibenta ang mga public land  para sa mga real estate developer gaya ng SMDC ni Henry Sy, Robinsons Land ni Gokongwei, Ayala...
Post a Comment
Read more

Pagtutol sa Rekognisyon ng Estados Unidos sa Herusalem bilang Kapitolyo ng Zionistang Estado ng Israel

  Resolusyon Blg. 20:  Pagtutol sa Rekognisyon ng Estados Unidos sa Herusalem  bilang Kapitolyo ng Zionistang Estado ng Israel Ang State of Israel ay nilikha ng mga imperyalista at pwersahang itinakda sa loob ng teritoryo ng bansang Palestine noong Mayo 1948 at sa tuloy-tuloy na madugong gyera ng atrisyon na tuluyang nagpaalis sa mamamayang Palestino; Ang mga mamamayang Palestino ay nananatiling isa sa pinakaaping bansa sa buong mundo, nagdarahop at itinuring na segunda-klaseng mamamayan na mga karatig na bansa; Patuloy ang paglulunsad ng pambansang pakikibaka ng mga Palestino upang makabalik sa kanilang mga lupain, kasama ang Herusalem; Mayorya ng populasyon ng daigdig – kabilang ang maraming mga gubyerno – ang kumikilala at sumusuporta sa interes ng mga Palestino, na may pitong dekada nang nakikibaka para ipagtanggol ang interes ng kanilang bansa; Sa kasaysayan ng kilusang paggawa, ito ay nakikiisa sa lahat ng pakikibaka ng mga inaaping bansa, laluna ang bansang Palesti...
Post a Comment
Read more